Bekiek heej de videoclip: Mienen Tom
DE NIEJE C.D. IS KLAOR
Elke zichzelf respekterende arties of bend wil zien prestaties naor verlaup van tiëd op c.d. vaslegge. Umdet auk weej hielvuul respek veur ôs zellef hebbe, ontkwame weej d’r neet aan um auk ein c.d. te make.
Twië jaor geleeje woorte de iërste planne gemak, en noow is ut dan zoëwiet, de c.d. is klaor. Heej beej môt waal verteld waere det de umstandighede waorin weej verkiëre optimaal zien. Ozze bassis Vic haet namelik as hobbie eine studio en dus kôste weej os ruum de tiëd neme um aan dit projek te werke.
Ut leek ôs ein leuk idee um, behalve al bestaond rippertwaar, auk ein paar nieje “eige” nummers op te neme. Weej hebbe dao veur wat minse benaderd zoë as Hannelore Winter en Jan Bax, Peter Jansen en Wim Janssen, die bereid ware um in de vorm van ein liedje eur beejdrage te levere.
Veur de opname produksie kôste weej ein beroep doon op Frits Tilburgs en dae had auk nog twië nummers op de plank ligge, die weej mochte opneme.
Ôs c.d., bestaonde oet elf nummers, is dus eine mix gewaore van hoofdzakelik vastelaovendmeziek zoë as geej det van Wortelestamp gewint ziet, aangevuld met ein veertal gewoëne dialek-nummers.
Weej winse ôg vuul luusterplezeer.